花卷

都講左, 我愛上中式包架啦~

又有相啦, 不過都係上星期做落的~

點解係咁做中包呢~

一黎, 慳時間, 佢唔使點發酵~

最緊要係, 麵糰, 我用麵包機攪架....

冇錯呀, 我係用麵包機攪個麵糰, 咁我咪做小好多野囉~

我又要講, 我小左整西包, 吐司, 但我都有用我架寶貝麵包機!

只要用餃子皮模, 就可以做出中式包的麵糰啦~

跟住可以直接做型, 造型後, 便可以放入蒸爐到發酵10分鐘!

再蒸, 20分鐘, 咁就完成啦~~

方便, 快趣, 餡料可以自己做, 又健康, 可以控制鹽份, good good good 架^^

近作....

近來....有一點心事!

我覺得人越大越難去表達自己內心想法!

我唔想去講D野令到愛我既人唔開心...

但亦唔想屈住係自己到令到自己唔開心....

IT人好多野做, 好忙, 我唔想打攪佢....

咁, 唯有去做一些自己做完覺得開心的事!

依排, 我愛上做中式包, 原因多了一個工具!

買左個多月都冇得閒講過!

原因, 我要整多D野再一次過Post 上黎....等自己日後多一點回憶....

個工具係Panasonic 蒸焗爐, model: NU-SC100

成日都想換焗爐, 但我好古寒地唔換, 要堅持佢壞左先換!

最終佢都係冇壞, 而我又成日比人毒話蒸爐有幾好的時候!

又見到蘇寧有特價, 又見到IT人冇乜反應之下....咁就買左!

依架野除左個PAT PAT好大之外, 冇乜唔好!

同埋買左個幾月, 我有煮野的話就會用依架野!

因為佢可以蒸! 

樓下依個包係靠佢蒸的, 得嗎?

唔得唔緊要!

因為我自己覺得得, 哈哈....

太耐冇打blogger, 有一點自戀....

執位

了解~~

又返黎打blogger~

失蹤左幾個月, 又返黎!

我的缺點係, 唔得堅持, 三分鐘熱度!

真架, 早幾日, 係面書彈返一年前我做的野, 係整盆景~

一年後既今日, 盆野都唔知去左邊了~

唯一, 我還是喜歡整食物~

及, 放眼世界.....


自己開始長大, 見到的人和事也較多!

以下係一D真人真事, 

一D 人, 你講咩, 佢reject 咩! 咁冇野的, 我咪乜都唔講比你知囉!

一D人, 識小小, 扮代表~ 你咁叻, 我咪乜都走黎問你囉, 但個答案我一早知~

一D人, 你講咩, 佢都會答, 我知啦, 依D人, 我咪乜都唔講你知囉, 還掂你都乜都知!

一D人, 以為世界得佢一個, 好自信, 亦好自我~

亦有D人, 乜都借D意, 行左去, 見高拜見低踩!

有人好想用我的口去對付其他人! 這你是利用我, 而冇打算當我係朋友~

唔知係咪我身邊既人種太多, 我開始覺得麻目~

你鐘意的, 你去做, 我鐘意的, 我都會去做, 你不能阻礙我~

不過, 亦有好多人, 好好既, 好正常, 能夠拎個心出黎做朋友的~



對住家中的李生, 我學識忍耐!

我而家的忍耐性很高, 雖然某程度我的性格已經改變左!

我可以你問我野, 我唔答你, 亦可以, 乜都唔講!

唔同左的我, 只是對某些人~

我對住我的家人, 還是開寵雀, 瓜瓜叫~

豬仔骨 - 土匪口味

依個骨， 我本身係凍肉鋪買....

佢叫豬仔脾.....

整依個骨， 好簡單！

唔使30分鐘就整完，最緊要我家少爺啱食....

材料：

豬仔骨 6枝

鹽二茶匙

籽然粉 2湯匙

黑椒碎 1/2湯匙

生抽 1湯匙

水 20ml

做法....

先用鹽醃左個骨15分鐘先...

跟住煎香豬仔骨, 加入水等佢熟透

泶佢收乾水後加入生抽上身、 骨見乾身再加上黑椒及籽然粉...

煎至乾身收乾水後上碟

上碟後用鍚紙包住骨既開端， 完成....

麵包機食譜 - 湯種甜包

好耐冇打食譜.....

終於， 又開始整返野食.....

今次整左排包味既麵包....

用了湯種！

發到好高大呢～～

唔知係關湯種事，定我落得糖比較多呢！

食譜如下：

湯種 （100ml水， 20g高粉）

煮成醬， 攤凍用

高粉 250g

水+蛋 100g

糖 三大匙

鹽 1細匙

酵母 1細匙

油15g

吉士粉 2大匙

湯種，煮哂約85g

（ 用麵包機跟果隻粉紅色匙）

Mode 2

2月2號了, 仲有幾日就農曆新年....

而家, 發覺越來越可悲....

因為我有野, 除左老公, 家人之外....我冇對象講....

朋友, 但有D事唔關朋友事...似乎要佢地聽我的怨言...實在過不去....

家人, 更加唔想比佢地知我對現在的不满.....免得佢地太過擔心....

老公, 這是我唯一信任, 而由明白我所講的人!

我都知你返工辛苦, 返到黎比我點黎點去, 仲要聽我投訴!

但我可訴苦的對象只有你....

2016年快樂~

2016年話咁快就到左~

睇返上一篇已經係上年12月3....

個blog 就好似棄嬰咁...比我擺埋左一邊~~

睇黎, 我要重拾這一股熱誠....還債